سؤال محيرني

[جونا جونا]

انا نفسي اسال سال محيرني ليه ربنا اختار يهوذا بالذات عشان يسلمه مهو كده الانسان ده مخلوق مخصوص عشان يهلك هل ده اختياره هو ولا اختار ربنا ليه عشان يسلمه

[بنتك طالبة شفاعتك]

بصي انا هسال و اقولك الاجابة بس علي مااعتقد انة اختيار يهوذا

[mernalovesjesus]

بصى يا قمر يهوذا من الاول كان محب للمال بدليل مواقف كتير منها فى موقف المراة التى سكبت الطيب وغيرها وكمان الكتاب المقدس بيقول انه كان مسئول عن صندوق المال واى حاجة تجى كان بياخدها ليه
واذا كان المسيح اختاره تلميذ ليه ممكن علشان يتمم عملية الفداء
اما بقى ليه طلع يهوذا محب للمال ومش تابع لربنا ربنا سايبلنا الحرية نختار طريقه او طريق الشيطان ويهوذا اختار طريق الشيطان وكمان المسيح قال فى وقت العشاء الاخير انسان ياريته ما كان يتولد وفى غسل ارجل التلاميذ قال كلكم طاهرين ماعدا واحد فالمسيح عارف من الاول ان يهوذا محب للمال وهيسلمه بس زى ما قولتلك ربنا سايبلنا الحرية نختاره او نختار طريق الشيطان علشان بيحبنا

[samir sabry]

اولا اكيد كان اختياره هوه مش اختيار ربنا كمان سواء كان يهوذا موجود او مش موجود كان الفداء هيتم وزي ما اخويا الفاضل رد عليكي وقال ان السيد المسيح قال فى وقت العشاء الاخير انسان ياريته ما كان يتولد ده معناه ان الله عارف بما سوف يحدث من الانسان بأرادته بمعني ان ربنا عارف احنا هنعمل ايه من قبل منعمل كده وبالتالي بالرغم من انه عارف انه هيسلمه وانه محب للمال الا انه علشان بيقدس حرية الانسان ساب الفداء يتم من خلال تسليم يهوذا ليه لان يهوذا كان عاوز كده ولما نتامل يهوذا كان عاوز كده ليه هنلاقي ان السبب الاول حبه للمال هياخد فلوس مقابل كده اعتقد تاني حاجه تلميحات يسوع ان واحد منهم شيطان اكيد كان واخد باله انهوه المقصود بيها وانه كل الي بيعمله مكشوف قدامه علشان كده حب يتخلص منه تالت حاجه دور الشيطان في تدخيل فكرة خيانة يهوذا للمسيح في قلب يهوذا بس هيه القضية الي بجد ان يهوذا كان عنده الفرصة انه يتوب بعد كده لكنه كان دايما بيشوف النقط السودا ومكنش بيشوف النقط البيضا يعني كان باصص لنتيجة اخطائه ومكنش باصص لحنية ربنا رغم انه كان عايش مع المسيح وشايف حنانه بنفسه الا انه مقدرش يفكر في الغفران وفكر في العقاب مقدرش يفكر ان الي حصل للمسيح ده حصل عشانه وعشان كل الخطاه الي زيه وفكر انه حصل بسببه كان شايف الموت ومكنش شايف الحياة مقدرش يحس ان حب يسوع اقوي من الخيانة وبالتالي الشيطان دخل اليأس في قلبة ومقدرش يقاوم اليأس ده
علي العموم سؤال جميل وكان سبب في اني ارفع ليكم فيلم ابن الهلاك الي بيعرض خيانة يهوذا للسيد المسيح ليه كل المجد وهوه فيلم صغير بحجم 20 ميجا بس وده الرابط http://www.mediafire.com/download.php?ndtjmjow5nw

[mernalovesjesus]

ميرسى لردك الجميل والفيلم الرائع
وبجد انا استفدت منه كتيييييييييير

[michel_0]

خلاص بلاش ...شكرااا يا سمير ع الفيلم الجميل ده...كده كويس يا أنسه


=== هذه الرسالة تلقائية ===

هذا هو أول موضوع لي في المنتدى . سوف تجد موضوع الترحيب الخاص بي هنا. الرجاء المشاركة في موضوع الترحيب الخاص بي
=== هذه الرسالة تلقائية ===

[mernalovesjesus]

بعد اذنك ناخد بالنا اننا فى منتدى مسيحى